საქართველო სთავაზობს უამრავ საინვესტიციო შესაძლებლობას როგორც უცხოელ, ისე ქართველ ინვესტორებს. შედეგად, სწორად მართული საინვესტიციო პორტფოლიო შეიძლება, ამ საინტერესო ბაზარზე უდიდესი წარმატების გასაღები გახდეს.

ლიდ ქონსალთინგი უდგება საინვესტიციო სამართალს, როგორც ორმხრივ სფეროს და ორივე მათგანში სპეციალიზდება. ერთი მხრივ, კომპანიას აქვს ფართო გამოცდილება ისეთ პირებთან მუშაობისა, რომლებსაც სურთ, გამოიყენონ საკუთარი რესურსები, რათა გააუმჯობესონ მათი საინვესტიციო პორტფოლიო. ლიდ ქონსალთინგი, ასეთ შემთხვევაში, მზადაა, შესთავაზოს კლიენტს კონსულტაცია და ხელი შეუწყოს კომერციულად მდგრადი და ფინანსურად წარმატებული ბიზნესის შექმნაში. მეორე მხრივ, ლიდ ქონსალთინგს ასევე შეუძლია, წარუდგინოს რჩევები ისეთ პირებს, რომელთა მიზანიც ინვესტორთა მოზიდვაა. კომპანიას აქვს ასეთი მოქმედებების განხორციელების გამოცდილება და ყოველმხრივ დაეხმარება კლიენტებს, რათა მათ შეძლონ, აჩვენონ საკუთარი ბიზნესის მიმზიდველობა პოტენციურ ინვესტორებს. ამისათვის ლიდ ქონსალთინგი შეიმუშავებს სამართლებრივ ჩარჩოებს, რომლებიც მოიზიდავენ მაქსიმალურად დიდი ოდენობის კაპიტალს.

ინვესტიცია არის ნებისმიერი ბაზრის ჯანსაღი განვითარების ქვაკუთხედი და, იმის გათვალისწინებით, რომ ლიდ ქონსალთინგის გუნდში შედიან კომერციული სამართლის ყველა მნიშნელოვანი სფეროს სპეციალისტები, ეს აძლევს მას შესაძლებლობას შესთავაზოს კლიენტს მასზე ზუსტად მორგებული და მისთვის ყველაზე უფრო საჭირო მომსახურება.

კომერციული ტრანზაქციები ყოველდღიურად სულ უფრო და უფრო კომპლექსური ხდება, ხშირად მოიცავს საერთაშორისო ელემენტებს და უკავშირდება მთელ რიგ სხვადასხვა სფეროებს. ეს ფაქტი, იმასთან ერთად, რომ მუდმივად იზრდება როგორც საქართველოში, ისე საერთაშორისო დონეზე მოქმედი კომერციულ ტრანზაქციებთან დაკავშირებული რეგულაციების რაოდენობა და მოცულობა, ნიშნავს, რომ ექსპერტული კონსულტაციაც უფრო ფასეული ხდება.

ლიდ ქონსალთინგი მზადაა, შესთავაზოს კლიენტს ასეთი მხარდაჭერა. კომპანიის შესაძლებლობები და რეპუტაცია უდავოა, რის გათვალისწინებითაც ის მზადაა, ყველა სახის საქმიანობაში კვალიფიციური მხარდაჭერა აღმოუჩინოს კლიენტს.

კონკურენციის სამართალი წარმატებული საბაზრო ეკონომიკის უმნიშვნელოვანესი ნაწილია და მისი გათვალისწინება აუცილებელია ნებისმიერი მსხვილი კომერციული აქტივობის დაგეგმვისას. ის მოიცავს ორმხრივ მიდგომას, რადგანაც კონკურენციის სამართალი ორი კუთხით შეიძლება, საინტერესო იყოს პოტენციური კლიენტებისათვის.

პირველ რიგში, მოცემული თემა გასათვალისწინებელია მათთვის, ვინც გეგმავს მნიშვნელოვან ტრანზაქციებს, როგორიცაა, მაგალითად, კომპანიათა შერწყმა-გაერთიანება, ან საკონტროლო პაკეტის შეძენა. კონკურენციის სამართალი ამ თვალსაზრისით მნიშნველოვანია, რადგანაც უფლებამოსილმა სახელმწიფო ორგანომ შეიძლება, გადაწყვიტოს ასეთი ტრანზაქციის დაბლოკვა და, ზოგჯერ, შესაბამისი პირი დააჯარიმოს კიდეც კონკურენციის სამართლის დარღვევის მოტივით, მიუხედავად იმისა განზრახ განხორციელდა ასეთი ქმედება თუ არა.

მეორე მხრივ, კონკურენციის სამართალი სასარგებლოა მათთვის, ვინც ბაზარზე არსებულ დომინანტ კომპანიას უპირისპირდება ან რომელსაც სხვამხრივ ეხება ანტიკონკურენტული მოქმედებები. ასეთ დროს კონკურენციის სამართლის სწორად გამოყენებას შეუძლია, მნიშვნელოვანი ცვლილება გამოიწვიოს კლიენტის საქმიანობასთან დაკავშირებით.

ლიდ ქონსალთინგს შეუძლია, დაიკვეხნოს ექსტენსიური გამოცდილებით ამ სფეროსთან მიმართებაში. შედეგად, მისი რჩევა შეიძლება, უდიდესი მნიშვნელობის იყოს და უზრუნველყოს კლიენტის წარმატება კონკურენციის სამართალთან დაკავშირებულ ნებისმიერ საქმიანობაში.

ლიდ ქონსალთინგის მიერ შერჩეული ყოვლისმომცველი მიდგომა სამშენებლო სამართალთან დაკავშირებით მოიცავს პროცესის ყველა ეტაპს: სამშენებლო საქმიანობის დაწყებასთან დაკავშირებული მოლაპარაკებებიდან და ხელშეკრულებათა დადებიდან სამშენებლო დავებამდე და მოთხოვნებამდე. კომპანიის ცოდნა როგორც ქვეყნის შიდა, ისე საერთაშორისო სამშენებლო პროექტებთან დაკავშირებით, აძლევს მას საშუალებას, მიაწოდოს კლიენტს პრაქტიკული, მაგრამ ამავდროულად ხელმისაწვდომი ღირებულების მქონე წარმომადგენლობა ამ უაღრესად კომპლექსურ სფეროში.

ლიდ ქონსალთინგი სპეციალიზდება სახელშეკრულებო დოკუმენტების (სამშენებლო, საინვესტიციო, ნარდობის, დაფინანსების და სხვა კონტრაქტები) მომზადებაში. კომპანია სთავაზობს სამართლებრივ მხარდაჭერას როგორც მშენებლებს, ისე ინვესტორებს და სხვა დაინტერესებულ მხარეებს.

საბოლოოდ, ლიდ ქონსალთინგი მხარს უჭერს კლიენტს პოტენციური დავების მოგვარებასთან დაკავშირებით სამშენებლო ურთიერთობათა ნებისმიერ ეტაპზე. ის გაწევს კონსულტაციას როგორც დავების თავიდან არიდების თვალსაზრისით, ისე მათთან დაკავშირებული მოლაპარაკების წარმოებისა და დავის წარმართვის კუთხით.

ლიდ ქონსალთინგის სისხლის სამართლის გუნდს აქვს შესაბამისი ცოდნა და გამოცდილება, როგორც ფიზიკური, ისე იურიდიული პირების დაცვის მიმართულებით. ისინი ახდენენ კლიენტების საჭიროებებისა და პრობლემების იდენტიფიცირებას იმისდა მიუხედავად, თუ რა სფეროში საქმიანობს აღნიშნული კლიენტი. შედეგად, ლიდ ქონსალთინგის გუნდს შეუძლია, მას შესთავაზოს ყველაზე მეტად შესაფერისი სასამართლო სტრატეგია და პირველ ეტაპზე აუცილებელი მხარდაჭერა.

ნებისმიერი პირისათვის, რომელიც ბრალდებულია დანაშაულში ან რაიმე სახით არის დაკავშირებული სისხლის სამართლის საქმესთან, უმნიშვნელოვანესია სამართლებრივი რჩევის მაქსიმალურად მალე მიღება. სხვა შემთხვევაში, სიტუაციის უკონტროლო მდგომარეობამდე მისვლის ალბათობა შესამჩნევად იზრდება. ამის გათვალისწინებით, ლიდ ქონსალთინგის რჩევები შესაძლოა, შეუფასებელი აღმოჩნდეს კლიენტისათვის. კომპანიის ადვოკატები ფლობენ ცოდნას, მიზანდასახულობას და სამართალდამცავ ორგანოებში მუშაობის გამოცდილებასა, რაც მნიშვნელოვნად ზრდის საუკეთესო შედეგის დადგომის შანსს ნებისმიერ იმ სიტუაციაში, რომელშიც აღმოჩნდა კლიენტი.

ლიდ ქონსალთინგის ექსპერტებს აქვთ მნიშვნელოვანი გამოცდილება დავების მოგვარების თვალსაზრისით, იქნება ის კომერციული, სისხლისსამართლებრივი თუ ადმინისტრაციული. კომპანია სთავაზობს კლიენტებს სერვისების ფართო სიას ნებისმიერ სადავო საკითხთან მიმართებით, იქნება ეს სასამართლოსთან თუ ნებისმიერ სხვა ფორმალურ თუ არაფორმალურ ფორუმთან დაკავშირებული.

ლიდ ქონსალთინგის იურისტებს აქვთ მოცულობითი გამოცდილება საქართველოს სასამართლოს სისტემაში დავების წარმოებისა. მათ ასევე აქვთ პრაქტიკა საზღვარგარეთის ქვეყნების სასამართლოებში დავის წარმართვის თვალსაზრისით. შესაბამისი სისტემების არსებული ცოდნა უდიდესი ღირებულების შეიძლება იყოს კომპანიის კლიენტების წარმატების თვალსაზრისით.

დამატებით, კომპანიას ასევე ჰყავს ექსპერტები დავის ალტერნატიული მოგვარების საშუალებათა თვალსაზრისით, რომელთა სპეციალიზაციის სფეროები ძირითადად კონცენტრირებულია კომერციულ არბიტრაჟსა და მედიაციაზე. მათი ცოდნა და გამოცდილება აქცევს ლიდ ქონსალთინგს დავების მოგვარების სფეროში ლიდერ კომპანიად.

ენერგეტიკისა და ბუნებრივი რესურსების სექტორი სამართლებრივი ჩარჩოს მნიშვნელოვანი ნაწილია და სულ უფრო და უფრო ხვდება საზოგადოების ინტერესის სფეროში. ის მოიცავს ნავთობისა და გაზის პროექტებს, მილსადენებს, გადამამუშავებელ ქარხნებს, ბუნებრივ გაზს, განახლებად ენერგიას, წყალსა და წყალარინებას, ასევე სხვა მნიშვნელოვან საკითხებს. დამატებით, ყოველწლიურად ღირებულება ემატება ისეთ ახალ სექტორებს, როგორიცაა ბიოსაწვავები და გამონაბოლქვის რეგულირება. ძირითადი სამართლებრივი საკითხები ეხება პროექტების განვითარებასა და დაფინანსებას, ასევე დავებსა და კომერციულ ტრანზაქციებს. ისინი შეიძლება, იყოს როგორც საერთაშორისო, ისე ქვეყნის შიდა ხასიათის.

ლიდ ქონსალთინგს საკუთარ შემადგენლობაში ჰყავს ზემოთ მოცემული ყველა სფეროს ექსპერტები, რაც ნიშნავს, რომ მას მაქსიმალურად ეფექტურად შეუძლია, მხარდაჭერა გაუწიოს კლიენტებს. შედეგად, კომპანიის კონსულტაცია შეიძლება, იყოს გადამწყვეტი და უზრუნველყოს პოტენციური ან შესაძლო ენერგეტიკის ან ბუნებრივი რესურსების სფეროში არსებული პროექტის წარმატებით დასრულება.

მას შემდეგ, რაც 2014 წელს ხელი მოეწერა საქართველოსა და ევროკავშირს შორის ასოცირების შეთანხმებას, ამ უკანასკნელის კანონმდებლობის როლი მნიშვნელოვნად გაიზარდა საქართველოს სამართლის განვითარებაში. მეტიც, რადგანაც ევროკავშირთან ინტეგრაციის დონე ყოველდღიურად იზრდება, ევროპულ სამართლებრივ ჩარჩოსთან დაკავშირებული კონსულტაციის ღირებულებაც სულ უფრო და უფრო შესამჩნევი ხდება.

ლიდ ქონსალთინგს შეუძლია, დარწმუნებით აღნიშნოს, რომ მის შემადგენლობაშია საქართველოში მოღვაწე ევროკავშირის სამართლის საუკეთესო ექსპერტები. ისინი დიდი ხანია, რაც მჭიდროდ არიან ჩართული მოცემულ სფეროში. ეს მოიცავს როგორც ევროკავშირის დირექტივებისა და რეგულაციების ეროვნულ სამართალში გადმოტანას, ისე ევროპული საკანონმდებლო ჩარჩოს ანალიზსა და მასთან დაკავშირებულ სხვადასხვა სფეროებში მუშაობას. შედეგად, ნებისმიერი პირისათვის, რომელსაც სურს, რომ მიიღოს ქართული იურიდიული კომპანიის მომსახურება ევროკავშირის სამართალთან დაკავშირებით, ლიდ ქონსალთინგის სერვისები საუკეთესო გზაა წარმატებისაკენ.

ლიდ ქონსალთინგის ექსპერტებს, მათ შორის კომპანიის პარტნიორებს, აქვთ გამორჩეული გამოცდილება სამოქალაქო ავიაციასთან დაკავშირებით. ისინი არიან, დიდი ალბათობით, საუკეთესო ცოდნისა და გამოცდილების მქონე გუნდი, რომელიც დღეს იურიდიული მიმართულებით მოღვაწეობს საქართველოში.

ლიდ ქონსალთინგის პარტნიორები, წლების განმავლობაში, მონაწილეობდნენ საქართველოს სამოქალაქო ავიაციის განვითარებაში, როგორც თეორიული თვალსაზრისით, ისე პრაქტიკაში. შედეგად, კომპანიის იურისტებს შეუძლიათ, უზრუნველყონ, რომ ნებისმიერი კლიენტი, რომელიც სამოქალაქო ავიაციით დაინტერესებულია, მიიღებს უმაღლესი ხარისხის სამართლებრივ მხარდაჭერას.

ნებისმიერს, ვინც დაინტერესებული საქართველოს სამოქალაქო ავიაციის სფეროში დამკვიდრებით, ან ვინც უკვე მოღვაწეობს ბაზარზე, მაგრამ სურს, განიმტკიცოს პოზიციები, შეუძლია, მიიღოს კომპანიის მიერ გაწეული კონსულტაცია და, შედეგად, გადადგას ნაბიჯები, რომლებიც უზრუნველყოფს მათი ბიზნესის მაქსიმალურ წარმატებას.

შრომის სამართალი მნიშვნელოვანი სფეროა ყველა იმ პირისათვის, რომლის საქმიანობაც უკავშირდება შრომის ბაზარს, იქნება ეს დასაქმებული, დამსაქმებელი თუ დაინტერესებული მესამე პირი. ლიდ ქონსალთინგს შეუძლია, შესთავაზოს ექსპერტული რჩევა ყველა ზემოთ მოცემულ პირს მთელ რიგ საკითხებზე, როგორიცაა, მაგალითად, შრომითი დისკრიმინაცია ან ჯგუფური სარჩელები.

კომპანიის იურისტებს შეუძლიათ, მხარი დაუჭირონ კლიენტებს შრომის სამართლის ნებისმიერ ნაწილში, მიუხედავად მათი საჭიროებებისა. ლიდ ქონსალთინგის ცოდნა მოიცავს ყველა რელევანტურ თემას. დამატებით, ისინი ფლობენ გამოცდილებას აღნიშნულ საკითხებთან დაკავშირებული ყველა სამართლებრივ ნაბიჯთან დაკავშირებით, რაც მოიცავს როგორც საწყისი მოქმედებების განხორციელებას, ისე სასამართლო დავის წარმოებას.

შედეგად, ნებისმიერ კლიენტს, იქნება ეს ტრანსნაციონალური კომპანია რომელიც გეგმავს რეორგანიზაციას, ან რიგითი მუშაკი, რომელსაც სურს, დაიცვას საკუთარი ინტერესები, შეუძლია, მიიღოს უდიდესი სარგებელი ლიდ ქონსალთინგის სამართლებრივი მხარდაჭერისაგან.

ლიდ ქონსალთინგის თანამშრომლებს აქვთ ექსტენსიური გამოცდილება სახელმწიფო შესყიდვებთან დაკავშირებულ ყველა მნიშვნელოვან საკითხთან და შემდგომ სახელშეკრულებო ურთიერთობებთან მიმართებაში, რაც მოიცავს კონტრაქტების შემუშავებასა და მოლაპარაკებას, შესყიდვებზე წინადადების წარდგენის პროცესებს და შესაბამისი დავების წარმოებას. კომპანიის საქმიანობა მოიცავს დრაფტული სახელშეკრულებო და შესყიდვების ბლანკების შემუშავებას, დავების მოგვარებას, ხელშეკრულებათა მართვას, ასევე კომერციულ კონსულტაციებს ამ უმნიშვნელოვანეს სფეროში მოღვაწეობასთან დაკავშირებით.

ლიდ ქონსალთინგი კლიენტებს სთავაზობს მომსახურების სრულ პაკეტს, რაც ნიშნავს, რომ კლიენტს შეუძლია, დარწმუნებული იყოს, რომ სახელმწიფო შესყიდვების სფეროში მის ყველა ეტაპზე წარმატებას ხელს შეუწყობს ექსპერტთა ჯგუფი. ამით სასურველი შედეგის დადგომის ალბათობა მაქსიმალურად იზრდება, ხოლო ხარჯები მცირდება მინიმუმამდე.

ლიდ ქონსალთინგის კვალიფიციური ცოდნის ღირებულება მუდმივად იზრდება, რადგანაც სახელმწიფო შესყიდვებთან დაკავშირებული საქართველოში მოქმედი საკანონმდებლო ჩარჩო ხშირად მნიშვნელოვნად იცვლება. ის, უახლეს რეფორმებთან ერთად (რომლებშიც, საწყისი ეტაპიდანვე, კომპანიის პარტნიორები მჭიდროდ იყვნენ ჩართული), ნიშნავს, რომ ლიდ ქონსალთინგს განსაკუთრებით ეფექტურად შეუძლია, უზრუნველყოს კლიენტის წარმატება.

იმის გათვალისწინებით, რომ უძრავი ქონება საქართველოში წარმოადგენს ერთ-ერთ საუკეთესო შესაძლებლობას ინვესტიციების თვალსაზრისით, ლიდ ქონსალთინგი სთავაზობს კლიენტებს მთელ რიგ სერვისებს მოცემულ სფეროსთან დაკავშირებით. გასაწევი მომსახურება მოიცავს ყველა იმ ზომას, რომელიც საჭიროა, რომ განვითარდეს კლიენტის ინტერესები უძრავი ქონების ბაზარზე. ლიდ ქონსალთინგი მჭიდროდ მუშაობს დაკავშირებული სფეროების (ფინანსური მომსახურება, გარემოს დაცვა, დავების მოგვარება და რისკების მართვა) ექსპერტებთან, რათა წარმოადგინოს არსებული საკითხების ყველაზე ეფექტური და სასარგებლო მოგვარების საშუალებები.

როგორც იურისტები, ბიზნეს კონსულტანტები და ბროკერები, ლიდ ქონსალთინგის თანამშრომლები კარგად იცნობენ არსებულ ინდუსტრიას და წარმოადგენენ რჩევებს მრავალმხრივ ცოდნაზე და გამოცდილებაზე დაყრდნობით. მეტიც, კომპანია ყველა თვალსაზრისით განიხილავს შესაძლო ტრანზაქციებს და კლიენტს სთავაზობს გადასადგმელი ნაბიჯების სრულ მიმოხილვას, რათა სასურველ დროსა და ფარგლებში მიღწეული იქნას დასახული მიზნები.

საქართველო სულ უფრო და უფრო საინტერესოა მათთვის, ვისაც სურს, მოიპოვოს მის ტერიტორიაზე ბინადრობის უფლება და, შემდგომ, მისი მოქალაქეობა. იქნება ეს ინვესტორი, ან პირი, რომელიც სამშობლოში დაბრუნებას გეგმავს, ყველა მათგანს შეუძლია, ისარგებლოს ლიდ ქონსალთინგის მხარდაჭერით.

ლიდ ქონსალთინგს აქვს გამოცდილება ბინადრობის ნებართვისა და მოქალაქეობის მოპოვებასთან დაკავშირებით. კომპანიის იურისტების ექსპერტული ცოდნა ნიშნავს, რომ მათ შეუძლიათ, კლიენტს შესთავაზონ მაქსიმალურად ღირებული რჩევები და მნიშვნელოვნად გაზარდონ მათი საქართველოში დარჩენის ან/და მოქალაქეობის მიღების შესაძლებლობა.

ლიდ ქონსალთინგის საგადასახადო და საბაჟო სფეროების იურისტები სთავაზობენ როგორც უცხოელ, ისე ქართველ კლიენტებს თანამედროვე, კრეატიულ საგადასახადო და სამართლებრივ რჩევებს, ასევე დავების შემთხვევაში სამართლებრივ წარმომადგენლობას. კლიენტები ირჩევენ კომპანიას მისი უმწიკვლო რეპუტაციისა და მაღალი ხარისხის ექსპერტული ცოდნის გამო საგადასახადო და საბაჟო საკითხებთან დაკავშირებით.

ლიდ ქონსალთინგის ეფექტური, სწრაფი და პრობლემის გადაჭრაზე ორიენტირებული მხარდაჭერა სასარგებლოა ნებისმიერი კლიენტისათვის, მათი პროექტის მოცულობის მიუხედავად. საგადასახადო კონსულტაციის სხვადასხვა სამრეწველო სფეროში გაწევის დიდი გამოცდილების მქონე ჩვენი იურისტები უზრუნველყოფენ, რომ კლიენტისათვის ხელმისაწვდომი იქნება საგადასახადო სტრატეგია, რომელიც მას მიანიჭებს კონკურენტულ უპირატესობას, თუმცა გამორიცხავს რელევანტური საგადასახადო კანონმდებლობის დარღვევის შესაძლებლობას.